李嘉欣與夫分廁別具一格

李嘉欣最近為大陸某品牌的衞生浴廁拍廣告，在廣告中分別以幾個高貴造型出現，以配合不同設計的浴廁，廣告商更把拍攝廠房的踎廁改裝成坐廁，供嘉欣專用，配合她的闊太身份。

留個幾鐘聽音樂

嘉欣坦言經過一日辛勞後，一定要享受舒適的浸浴，所以一個寬敞和舒適的浴廁絕不可少，嘉欣甚至不介意公開私隱，她說：「婚後一直同老公分廁，呢方面我哋好合拍，可能平日大家工作都忙，所以好享受一個人喺洗手間嗰種寧靜感覺，我哋可以一個人喺廁所逗留個幾鐘，聽音樂、睇電視……所以有各自嘅私人浴廁係最好，大家唔使爭，又可以將浴室布置到最舒服。」

穿上低胸裝的嘉欣相當美艷。

嘉欣與老公雖然平時如膠似漆，但原來在家一定要「分廁」。（資料圖片）

大陸拍戲廁所差

問嘉欣有冇遇過惡劣的廁所？她嘩一聲後說：「梗有啦，有次喺大陸偏遠地方拍戲，驚嚇程度好高，雖然有助手幫我開路，但助手入去唔夠10秒就奪門速逃，因為廁所裏面變咗大小蚊蟲嘅聚居地，如果真係要用，一定畀過千隻昆蟲圍攻。」嘉欣憶述那一次最後要由工作人員出馬，用殺蟲水噴死昆蟲，才讓她入去解決，但當日廁所「屍橫遍野」的情況，至今她仍歷歷在目。

文：音樂組