法拉處女賭馬等運到
陳豪、陳法拉昨日出席《愛彼錶女皇盃》活動，兩人異口同聲表示平日沒有賭馬習慣，但法拉卻表示女皇盃舉行當日會處女賭馬：「希望到時有LUCK！（有冇叫男友教你？）佢都唔識。不過我都鍾意馬，有興趣試吓喺外國養馬。」
而一直與法拉傳不和的「未來妯娌」諸葛梓岐，最近傳與男友分手，法拉說：「有睇報道，但唔回應，（似乎關你事？）更加唔關我事，冇諗過。（係咪因為薛家唔鍾意太高調？）唔係，工作嘢就講。」
另外，陳豪表示對馬有研究，更自爆讀書時期曾買馬。被問為何當時有興趣時，他笑言：「因之前有個同學叫我夾份買馬中咗，點知佢話冇買，我唔係好信，所以之後諗住自己試吓。」陳豪又稱自覺無賭運：「我好少賭錢，但試過有一次喺澳洲賭場贏錢，買咗一對波鞋，點知之後就畀人偷走。」