鄭詩韻對住BB惡唔落
陳鴻業和鄭詩韻夫婦前晚出席富得拍賣行十周年慶典拍賣會記招，由於剛去世的徐展堂是該拍賣行創辦人，故現場默哀一分鐘作悼念。
剛為人父的陳鴻業表示陪月教他換片，在旁的鄭詩韻則大讚老公說：「佢好叻，第一次幫BB沖涼，我冇佢咁大膽，驚整親BB。（邊個做好人壞人？）之前睇我個樣成個壞人，但發覺唔得，見到BB會心軟，好似佢扭抱我會抱佢幾個鐘，手都攰！」至於會否再追多個，鄭詩韻笑言曾商量過：「想要多個女，如果唔使懷胎十月生多幾個都得！佗住十個月真係好辛苦，但當見到BB就好值得，同埋都想兩個仔女年紀近啲，佗咗一次有經驗，佗第二胎就唔辛苦。」