高鈞賢擬開班作育英才
高鈞賢原來很喜歡小朋友，昨日他為西寶城舉行的「Mr.Men and Little Miss跳躍大舞台」活動擔任評判，他表示有計劃將來開辦學校，他說：「我自己識彈琴，入咗行之後又學埋跳舞，想搞啲興趣班教小朋友英文、彈琴同跳舞。（幾時搞？）30歲後啦，因為相士話我30歲前不宜做生意。（你有冇諗過生小朋友？）有架，我希望唔好太遲，31歲結婚，34歲生BB，後生啲好啲，好在我早入行，依家首先要努力搵錢。不過我想啫，未必做到。」
至今仍未有女朋友的高鈞賢表示擇偶條件要聰明和孝順，最好曲髮，因為感覺性感些，更要是圈外人。近日忙於拍劇的他笑言經常被飾演野蠻公主的葉翠翠和陳敏之欺負，不過大家相處好開心，他說：「我哋好friend，仲傾好多心事。（咁會唔會撻着架？）就係好friend先唔會。」而向來跟崔建邦老友的他透露早前有見過對方，心情OK，更叫他別擔心太多。
