超盈敢愛敢咀得老竇真傳
早前賭王何鴻燊女兒何超盈被拍到接男友機時甜蜜親吻，前晚她笑言此舉遺傳自父親，皆因賭王每年生日也會與太太們親吻，愛得坦然大方，果然有乃父風範。
賭王何鴻燊女兒何超盈與好友陳柏熹前晚出席迪拜明珠樓盤活動，修讀Business的超盈表示今次趁機學習投資，本身已經是業主的她，被問到會否有意搬出來住，向來孝順的超盈說：「唔會，我之前讀寄宿學校，依家難得可以返香港讀書，我鍾意黐家。」
見面錫啖係禮貌
提到早前超盈與男友被拍到在機場恩愛咀嘴，一向真情流露，不會矯揉造作的她笑言：「媽咪冇詐型，因為我係遺傳咗爹哋嘅基因，佢每年生日都會公開同太太們咀嘴。我係鬼妹仔性格，而且呢啲只係禮貌，見到面錫一啖。（你係公眾人物，媽咪有冇叫你小心？）爹哋都係公眾人物，你都唔會覺得佢唔係公眾人物或者唔檢點。」不過，她指由於男友非公眾人物，所以對方不太喜歡被偷拍。
同爹哋一樣講心
另外，對於超雲與超蓮的男友被人拿來作比較，超盈認為揀男友不着重外表，當記者盛讚她的男友是踏實型，她謙虛說：「每個人都有自己喜歡嘅類型，總之一家人開心就得。（你嘅首要條件唔係靚仔？）我同爹哋一樣都係講個心。」當晚悉心打扮的超盈被發現胸口有Chanel紋身貼紙，問她會否真正紋身，她坦言：「我好怕痛，印水紙就無所謂。」
文：名人組