何超蓮怕痛拒愛的紋身
賭王何鴻燊三太陳婉珍昨日帶同女兒何超蓮出席東華三院己丑、庚寅年董事局交代就職典禮。穿上四角骨褲的超蓮左腳足踝上多了一個蝴蝶紋身，她表示紋身是假的，她說：「我同媽咪一齊去買o架，我唔敢紋身，因為我好怕痛。（同男友情到濃時會唔會整個愛的紋身？）唔會，我好理智。男朋友都無紋身。」
問她復活節會否與男友去旅行？超蓮說：「唔會，我要考試，廿七日就考，我諗我會早兩星期返去溫習，男朋友已經一早返咗去。（會唔會掛住佢？）會呀。（怕唔怕佢識第二個女仔？）唔怕，我對自己同佢都好有信心。」她又透露父親現在情況很好，平日會打網球、打麻雀和在花園走動等。