家裏懶散的菲傭細賓去年底家有要事，要返回家鄉一段時期，我們順勢與她終止合約，大家好嚟好去，算是Happy Ending了。
之後我們申請了大賓的細妹來香港幫手，其實請兩姊妹一齊做事，對我們來說，個Risk幾大㗎，Double or Nothing……Double是應該的，但我為甚麼要承受Nothing的風險呢？
不過在大賓苦苦哀求下，這次真的勉為其難矣！
大賓的細妹來了三個多月，表現非常一般……做事懶散、馬虎……大賓每日要不停為細妹補鑊，做得非常辛苦。我們心知不妙……難道今次真的好心無好報？
一月底，細妹終於出事了！她洗衣服時，將我心愛的Christian Audigier Tee鈎穿了兩個窿……佢仲堅決否認，結果又係家姊攬上身啦。
兩三千元一件Tee，你話唔心痛就假，但點解決呢？
今次又要老公出馬了，佢同兩個賓賓講：「人情法理上當然無理由扣你哋人工啦，但又無理由唔使負責啫？咁啦，大賓你每個月啲獎金暫停派發，今個月開始你哋有假照放，唔使OT喇，休息多啲啦！」
大賓無咗獎金，無得OT，每個月少咗成千元額外收入，呢個教訓都咪話唔沉重，但唔知道有無效呢？
註冊女中醫