諸葛公主病發醞釀分手

Marie昨日為CHAUMET Save the Bees活動擔任模特兒，示範兩套過百萬鑽飾，坦言看中手上價值$722,000的名貴鑽錶。

男友最珍貴禮物係愛

問會否要致電男友送給她？Marie打趣地說：「佢人工唔夠我高，睇下自己買定打畀屋企人。（叫媽咪買？）我自己都得。」記者問她男友送她最珍貴的禮物，她甜絲絲的說：「愛囉！（有乜代表愛先？）大家都賺緊錢，都冇乜，心意係最緊要。」她指雙方沒有定情信物，但有情侶戒指及頸鏈，但不會戴住對方名字的頸鏈，她說：「狗咩！梗係唔會，感覺好奇怪，畀小貓小狗戴就cute啲！」

諸葛梓岐昨日突然說事業愛情兩難全，暗示要與男友薛嘉麟分手。	粉紅金鑽石水晶吊墜 $40,000粉紅金水晶戒指（小） $19,800黃金鑽石水晶王冠 $329,400黃金鑽石水晶戒指（大） $182,800	白金鑽石水晶頸鏈 $24,800　戒指（小） $19,800手鏈 $16,500　戒指（大） $182,800

Marie透露最近媽咪買了一條鑽石鏈給她作為日後的結婚禮物：「我冇數過有幾多鑽飾，有日媽咪好開心話買咗條鑽石鏈畀我，好靚好閃，我仲話戴住先，佢話等我結婚先可以戴，我就同媽咪講扮住結婚，佢仲話我傻。」Marie似乎很恨嫁？她卻表示事業、愛情難共存，言語間暗示想分手：「我工作會畀到壓力對方，工作冇得揀。（事業行先？）係。（咁愛情呢？）好confused！其實工作辛苦又有壓力，想工作為先，等到嫁先再諗。」她喜歡做這行，但幹這行令另一半有困擾，例如成日被追問何時結婚。

學習兼顧工作與愛情

Marie贏得男友及其家人的支持及愛錫，但她想趁後生先專注工作，現正學習如何兼顧工作與愛情。問她是否暗示要分開？Marie沒有正面回答：「諗緊有乜方法解決到。（男友知唔知你諗法？）唔知，係自己諗，想大家好啲。（幾時實行？）諗緊工作點可以兼顧到愛情，佢又忙，我又忙，大家好少見，好在我哋都好幸福開心，只係唔想畀身邊人麻煩。」

記者致電薛嘉麟問及Marie有意分手一事，甫聞得記者身份，他以正開會為由匆匆掛線。另邊廂的陳法拉也在電話中說：「唔關自己事，唔回應。」文：名人組