Baby晒鑽鏈閃現新追求者

昨日Baby以嘉賓身份出席意大利品牌Fly Girl香港首間專門店開幕禮，心情不俗的她自言增磅不少，身材亦見有睇頭。剛從新加坡及上海返港的Baby，看來未有受傳聞影響，自言密密工作只為了不想浪費青春。

「祝佢哋快啲復合」

提到被指是Sa基分手的第三者？Baby呼冤否認，並指與對方大纜扯唔埋：「好可惜，完全唔知，緋聞係傳聞，我連鄭中基嘅電話都無，（話你搶鄭中基？）完全無可能，（佢係咪你杯茶？）佢好搞笑，但唔係我鍾意類型，佢係肥仔聰鍾意嘅類型，（有冇見到鄭中基情緒低落？）完全冇覺得佢唔開心，佢好專業，仲不停搞笑。我已經夠緋聞啦，今次都冇乜人信，但係感情事好難講，佢哋依家分手可能遲啲復合，希望佢哋好番復合，會祝福佢哋，佢哋好襯。」Baby重申與鄭中基無緣分，對方亦無撩她。

Baby自言肥了不少，難怪身材亦較從前有睇頭，但卻不及她頸上閃爆的鑽石「ａ」字頸鏈養眼。

阿Sa與鄭中基早前宣布分手，導火線更傳出多個版本。（資料圖片）

撐熊黛林努力工作

會上見Baby頸上戴着一條「a」字鑽鏈，當記者追問是誰人所送時，Baby只甜笑不語，似宣告有新追求者出現，難道是藉此以示清白？此外，對於師姐熊黛林（Lynn）被指獲郭富城金屋藏Lynn一事，她撐Lynn很努力工作，不應該將她的成就都歸功於緋聞身上，而Lynn的經理人Kim表示新屋是由Lynn自己出錢的。文：名人組

Baby在活動上識做地與品牌高層祝酒碰杯。

現場有外籍模特兒示範品牌新裝。