日前相約朋友到灣仔一間意大利餐廳敍敍舊，發現餐廳附近的咪錶位全部封閉，非常奇怪！心諗又不是放煙花，又不是遊行，仲咩鬼封晒啲咪錶？
及後看到本報標題：「霸道封錶30小時，警公器私用」，我睇到，真的火都嚟埋！原來那天灣仔警署附近的咪錶被封，是因為灣仔警署新春聚會？唔係呀嘛？我真的不得不講一句：「警察真係大晒咩？」嘩！原來警察的特權已經去到呢個擾民的地步了嗎？
我是當中的其中一個受害者，咪錶被封的原因，是因為警署新春聚會？原來香港的警察已經真的可以任意妄為到隨意封錶為一己私用，我敢問警方：如果我公司新春團拜是否都可以封晒我公司樓下的所有咪錶，來為到賀的賓客霸定泊車位先？
簡直荒謬！
之前有好多警察的負面新聞，我作為一個良好市民，都沒有太貼身的反應，不過今次……我真的不可以再忍受了，你執勤去食海鮮？算！你踏單車遊海濱留倩影？都算！不過今次你霸車位，實在太過分了嗎？
最後要多謝本報的港聞記者大哥，因為你令我知道原來咪錶話封就可以封，公眾利益不是最大前提！
時裝設計師