香港近月時濕時凍，做甚麼也提不起勁，如果新年假期沒有外遊，嚟緊仲有復活節給你衝刺。來到四季如春的民丹島，換上比堅尼在沙灘游水，同陽光玩遊戲，身心猶如復活重生，叉足電再回來搏殺過！
特派記者：羅安琪
民丹島原屬印尼，後來新加坡政府租用該島開發度假區，由新加坡乘船前往，只需55分鐘。島上酒店眾多，當中Club Med民丹島於07年翻新，由法籍設計師Delphine Leon操刀，建築都以木材為主，掛滿土著面具裝飾，凸顯印尼原始風情。
村內共有308間套房、兩座游泳池、3間餐廳、4間酒吧及一間Spa中心，還有豐富多元化的玩意。想游水，一行出村就是私家海灘，海水清澈見底，仲可以玩浮潛！沙灘上還有各種水上活動，大家可以跟工作人員（G.O.）坐上雙體帆船出海破浪，船被白頭浪拋得上下搖晃，風大時更像過山車般飄移前進，各人大叫好玩。玩完雙體繼續玩獨木舟，眼見連小朋友都去學，大朋友當然不會示弱，鬥快划出海吧！
下完海後還可以飛上天，今次要試做空中飛人！做足安全措施加上有教練傍住，就算爬上8米高的鋼架也不怕，一躍飛出去，離心力比想像中大，心肝都像跌出來一樣，不過咁先好玩。
刺激過後要紓緩一下，一於參加海邊瑜伽班，有天然海浪聲作背景音樂，功效事半功倍。村內還有多間餐廳，提供多元化的自助餐，其中戶外餐廳The Terrasse，可以邊食邊欣賞夕陽，氣氛極好。自助餐包括肉類、海鮮、麵飯及甜品，多達數十款，遇上主題之夜，更有特色食品，食多幾餐都唔怕悶。村內的劇場每晚都有表演，由G.O.化身演員，無論跳印尼民族舞，或是搞笑劇都絕無冷場。此外，沙灘晚上更會舉行派對，躺在沙灘椅上數星星、吹吹風，或是坐在沙灘飲杯Cocktail，甚麼煩惱也一掃而空。意猶未盡還可到酒吧或的士高繼續狂歡，位於4樓的Panorama酒吧，更可居高臨下俯瞰村內風景，迎着海風，與朋友把酒談心最適合不過。
地址：Jalan Perigi Raya Site A11, Lagoi, North Bintan, Bintan Utara,Tanjung Uban, Indonesia
簽證：持特區護照毋須簽證可逗留30天，持BNO則須在入境時簽證，費用約US$10（約HK$78）
天氣：3月氣溫約24℃~31℃
套票：Club Med民丹島5日4夜由$6,772起（包來回機票、船票、全程住宿及膳食）。查詢：3111 9388
貨幣：HK$1約兌Rp1,199，新加坡幣及美元亦通用