名模楊崢前晚為電台頒獎禮擔任頒獎嘉賓，問她如何與外籍男友慶祝情人節時，楊崢即否認自己有拖拍：「我冇男朋友，仲係單身，嗰個係誤傳啫。（等人追？）暫時唔考慮拍拖住，專心搞好本食譜先啦！」

她表示七月將推出食譜，更邀得多位星級米芝蓮廚師教路：「今次真係花盡我嘅人力物力，之前新年同屋企人去咗洛杉磯、拉斯維加斯等地，順便為本書籌備，雖然已經有好多好好嘅贊助，不過自己都花咗成六位數字，去咗十二個城市，啲廚師全部都係我自己搵架，希望呢本書可以令我搵到真命天子啦！」