【吳靜嫻倫敦直擊】國際時裝設計師Alexander McQueen早前在倫敦的豪宅自殺身亡，時裝潮人兼忠實粉絲的黃偉文飛到倫敦，第一時間到他的專門店緬懷一番，更不忘為另一粉絲容祖兒搜羅珍品！

倫敦時間廿一日晚上舉行的Vivienne Westwood Red Label秋冬10-11時裝騷，名模娜奧美金寶、女歌手珍納積遜等亦有捧場，開騷前五分鐘，兩人在近十名保安護駕下，才由後台步出觀眾席，吸引大批傳媒包圍，兩人坐在頭排後時裝騷才隨即開始。

祖兒於去年叱咤頒獎禮上穿上McQueen tube dress亮相。（設計對白／資料圖片）	經典格仔圖案的Baggy pants，配以Polo恤，Boyish style味濃。	心形的腹帶體現ＶＷ的大膽作風。

專門店遇港人

時裝潮人黃偉文（Wyman）亦同樣被安排坐頭排睇騷，準時到場的他透露幾乎每年農曆新年也在倫敦度過：「年初三已經到咗倫敦，今年撞正Fashion Week，順便嚟睇幾場騷，今次係第一場，之後會睇Ashish同埋Burberry，星期三仲會同Burberry設計師Christopher Bailey做訪問。」談到時裝設計師Alexander McQueen早前在倫敦的豪宅自殺身亡，Wyman表示日前已到過其專門店：「我遇到香港人，佢哋仲問我係咪特登嚟睇，其實未有呢件事，我喺香港已經訂晒Alexander McQueen，今次嚟係為摸一摸佢間舖頭。」

羊絨大褸的線條乾淨利落，很是襟興。

西太后（左二）身體力行，穿着「Vital Statistics」慈善T恤率領模特兒一同謝幕。

Wyman講到Alexander McQueen未紅時，他已是McQueen迷：「當年我去佢嘅第一間舖頭，仲有掛咗Showpiece出嚟，我當年都有買，依家仲keep住一、兩件，唔會轉讓。前日我去專門店，見到仲掛住兩件Showpiece做展覽，依家問緊幾錢，我都有即時打電話畀容祖兒，同佢直擊，因為佢事前已經吩咐我幫佢搵，我要幫佢做採購。」此外，Wyman透露快將推出個人時裝網誌，笑言：「個Blog係做生意嘅，整緊o架喇。」

VW助海地婦女

另外，娜奧美金寶今次有份與Vivienne Westwood（VW）合作，推出名為「Vital Statistics」的慈善T恤，為慈善組織Fashion for Relief籌款，而該組織正致力協助White Ribbon Alliance，為海地的24萬懷孕婦女及剛生育的婦女提供援助。而這款T恤並已開始在品牌的專門店和其網站發售。