家居安全意識，我相信人人都知道，例如手濕不要開關電源插頭，煲湯要小心爐火，用舊式熱水爐要空氣流通等等……毋須再多講。

不過……家居常識，你又知幾多？

日前，我屋企就發生了一件唔知好嬲定好笑的家居零常識事件……

聞說呢……有一日有一大班朋友來我家打邊爐，大家都明白打完邊爐，個邊爐煲入面就一定會剩番好多食唔晒的食物，年輕人太眼闊肚窄了，咁有一個朋友在我不知情的情況下，連湯帶渣全部倒入個座廁入面……唉……唔使講你都知有咩事會發生……個廁所塞咗！那天我們還要打全海鮮邊爐！蟹殼蜆殼鮑魚殼冬菇粟米馬蹄，全部都是硬嘢，統統同我倒落去……你話我個朋友有無家居常識？

因為朋友的家居零常識，我個廁所連最基本的去水功能都無咗，可以畀我講一個好俗的字：頂！

咁唔倒都倒咗啦！無計，嬲都無用，諗辦法囉！落街買咗支叫做化骨龍的通渠水，成支倒晒落去……仲唔同你化骨！最後都好彩化得晒……

其實家居常識真係唔使教，因為係常識嚟o架嘛！點解朋友會零常識o架！激死！

時裝設計師