農曆新年前最受歡迎的活動，當然是逛年宵花市。今年維園花市已經開鑼，場內有各種得意貨品出售，最多當然是應景的老虎產物。除了虎物之外，亦有其他別出心裁的有趣玩意，總之梗有一款啱你心水！

人氣爆燈 買件虎物傍身

雖然年宵巿場第一日天降甘霖，卻無損各檔主的心情，多個攤檔的工作人員均興致勃勃向客人兜售貨品。

發財吹氣虎掌 $48/隻 福虎牌吹氣米袋 $88/袋 攤位編號：96	「動L虎」攤位有活生生老虎仔出現拉客，好過癮呢！ 動L虎$58/隻、吹氣黃金脆脆$88/個 攤位編號：101	甜心虎係一對可以放雙手入去取暖嘅毛毛公仔，啱晒成雙成對嘅情人，好Sweet呀！ $228/對 攤位編號：96

虎年最熱賣產品，必然是以老虎設計的物件。一個專售賣老虎產品的攤檔，有超過十名工作人員，個個都將產品掛在身上，落力向客人推銷，熱情澎湃，將新年氣氛推至高峰。另一檔名為「動L虎」的攤檔亦落力推介店中產品，包括自家設計的吹氣粟米片、動L虎及發光虎掌，實行虎虎生威。

虎年至潮裝扮，買頂老虎仔帽必殺！ $58/頂 攤位編號：38	虎臉造型的不倒翁雪豆咕o臣，黃色是特別為香港年宵而設計的「福到」限定版，日本都冇得賣o架！ $58/個（小）、$88/個（大） 攤位編號：213	全場獨家由日本豐竹神社運到的許願牌，最啱新年寫上願望，好有Feel！ 匙扣$20/個、吊飾$28/個 攤位編號：213

虎物以外選擇多

唔想齋買虎物，當然有其他貨物畀你揀，樣樣都係潮爆之選，一齊睇吓小記推介新登場之物！

由日本引入的御守護符，可以自行寫上願望，男、女朋友一人一個。$20/個 攤位編號：213	呢支唔係波板糖，係鏡與筆的組合，方便攜帶。$28/支 攤位編號：84	名為「扮珠食老富」的Boxer，檔主們專登引進珍珠奶茶包裝機，為客人包裝Boxer，夠晒特別。$68/條 攤位編號：84

模特兒逛後感

Yumi：今年維園花市好正喎！樣樣都好得意，好多嘢都想買又唔算太貴，真係唔知點揀好，我一定會再嚟。身上呢個老虎仔環保袋就好啱用，因為依家去邊都要帶住環保袋嘛！

超大吹氣Cankon 8D相機，背後仲可以放入8R相片當相架用。 $88/個 攤位編號：48	繼去年的吹氣雞蛋仔後，今年吹氣市場出現巨型「Tiger出奇蛋」。$88/個 攤位編號：48	環保袋$18/個 虎爪$48/隻 攤位編號：38

撰文：何詩敏　攝影：郭凱敏

模特兒：煒、Eunice、Gary、Yumi（Kaleidoscope）