懶咗成年，年廿八睇怕都係時候大掃除（恐怕對某啲人而言，真係「一年一度」嘅盛事）。工欲善其事，必先利其器，除咗幫間屋「洗白白」，你日日用嗰部電腦，若然不洗又豈會發？既然係咁，一於就由外到內、由硬到軟，幫部電腦大掃除啦！

撰文：陳若冰 攝影：陳富權、陳若冰

除咗圖中嘅500g膠桶裝，仲有140g膠杯裝選擇。 售價：$99.9（500g膠桶裝） $39.9（140g膠杯裝）（a）	售價：$90（b）	售價：$50（b）

模特兒：Ida

清潔抹布 屏幕鏡頭專用

放大圖片

查詢電話：（a）2433 1828、（b）2729 2219、（c）2304 3118

硬件篇

你嘅「搵食架生」若然污糟邋遢、滿布灰塵，唔單只令人留低壞印象，做起嘢上嚟感覺都冇咁利落。想工作順順利利，不如就趁今日幫電腦、Notebook、手機、相機等清潔一下。

Cyber Clean 清潔窿罅好幫手

電腦或Notebook等常用產品，總有啲位難以清理，用布抹、用掃掃都仍然有污垢塵埃黏住，好煩！Cyber Clean就係專為呢啲難搞位置而設嘅清潔軟膠，只需要喺污糟地方搓嚟搓去，就可以將灰塵吸住，好方便。

Sedia Air Cleaner 噴走塵埃

如果塵埃附喺機身較入嘅位置，亦可試用Sedia Air Cleaner壓縮空氣噴霧，將髒物噴出嚟然後抹掉。

Hama Cleaner 畫面變光鮮

電腦、Notebook、手機、電視機等顯示屏，需要用到Hama Cleaner專為屏幕而設嘅清潔劑先抹得乾淨，不過要提醒一下，最好用柔軟而乾身嘅抹布清潔，避免刮花屏幕表面同黏塵。

清潔抹布 屏幕鏡頭專用

頭先話過顯示屏同鏡頭最好用質地柔軟嘅乾布抹，腦場入面其實都有得賣，圖中嘅抹布細細塊，方便收藏之餘，隨身攜帶外出影相都啱用。

軟件篇

幫電腦內部來個大翻新，除咗清空「資源回收筒」，甚至進階一啲用Windows「磁碟清理」同埋「磁碟重組工具」，坊間亦有唔少專門軟件幫你「清理門戶」。

CCleaner 硬碟大掃除清垃圾

每當發現電腦愈用愈慢，就係時候幫你嘅硬碟清理一下。《CCleaner》能夠輕鬆清除冇用嘅暫存檔、操作紀錄、網頁瀏覽紀錄、登錄檔同垃圾程式等，令電腦騰出多一啲空間，運作起嚟更順暢。

Revo Uninstaller 殘留軟件冇得留低

有啲軟件即使用正確方法移除之後，都仲會殘留一啲資料夾、登錄檔等，呢個時候可以靠免費軟件Revo Uninstaller幫手。軟件會透過登錄檔或者硬碟掃描功能，徹底將軟件留低嘅垃圾檔案清除。

Defraggler 重組磁碟更整齊

想磁碟重組，Windows內建嘅磁碟重組程式似乎麻麻哋，可以考慮用Defraggler。用家可選擇對整個磁碟，或者某個特定資料夾進行重組，選擇夠彈性。軟件只佔755KB空間，放喺USB手指隨身攜帶都得。