今年新年，對模特兒趙嘉懿（Carrie）來說別具意義，因為她與老公由二人世界變成三人天地，虎B將於四月尾出世。趁新年前夕，佗着六個半月胎的Carrie，四出辦年貨及為BB買玩具，見到可愛的小朋友唐裝、布鞋及老虎公仔，她即時攬住唔放。

Carrie表示全家人都很期待BB出世，她說：「我兩年前已經想生虎BB，因爹哋媽咪都屬虎，估唔到真係如願以償。爹哋係四月尾生日，唔知BB會唔會同爹哋同日出世呢？」身材依然輕盈的Carrie稱至今已肥了三十磅，她開心地說：「醫生話會係大碼BB，我希望佢出世時有8磅啦。」

母乳餵哺

Carrie表示懷孕後經常坐唔定，每日都找朋友陪她出街，她說：「原來大肚婆真係會情緒波動，突然會想喊。」Carrie計劃剖腹生產及有意餵人奶，想與BB有肌膚之親。