陳沛嘉（Balia）每年都會親自為家裏選購大桔，當了彭太後還要連丈夫公司的年花都一併負責，非常細心。日前她到維園行花市，選購年花，Balia說：「做咗人太太之後要兼顧嘅嘢好多，好似年三十晚呢啲大時大節就要陪奶奶一齊慶祝，年初一要去奶奶屋企拜年。（年初一情人節會唔會二人世界？）會呀，嗰晚會同老公撐枱腳，之後就去睇賀歲片。」

想生龍胎

Balia還準備了情人節禮物給老公，她說：「係一盒集齊甜酸苦辣四隻味嘅朱古力，我覺得好有意思。（想唔想生個虎年BB？）唔好住，二人世界多兩、三年先，或者生龍年BB啦。」

問到新年願望，Balia想也不想便說：「一定係爹哋身體健康，呢個係我最大嘅願望。」她說：「我年初二會親自燉煲翅帶去澳門畀爹哋食，年初四會同老公一齊去寧波普陀山為爹哋祈福，去四日，頻撲唔緊要，為咗爹哋健康做咩都值得嘅。」