賭王何鴻燊與四太梁安琪的女兒何超盈，與男友Greg拍拖兩年，感情穩定，更揚言三年後結婚，但前日Greg被翻舊帳，指他與超盈拍拖初期，曾一腳踏兩腳，超盈護郎心切，即代Greg澄清，力撐對方並表示有百分百信心。

成為賭王的準女婿，要有心理準備被人翻舊帳，超盈與超蓮兩姊妹同病相憐，她們的男友都被前女友大肆張揚。繼三太陳婉珍女兒何超蓮自與Jeremy拍拖消息曝光，Jeremy即被指曾與模顏后君拍拖後，超盈男友Greg又成為新目標，其前女友Patty將兩人拍拖時的密照放上網，Greg更被指與超盈拍拖初期一腳踏兩船。超盈口中的乖乖仔Greg，形象大受考驗。

爆男友多女吼

記者就Greg一腳踏兩船一事致電超盈，超盈表現十分淡定，不但信任Greg，還為他澄清，否認同時間與兩女拍拖，超盈說：「我都識Patty，大家係中學同學，我喺嗰間學校讀咗兩個學期，但同對方完全唔熟。（Greg一腳踏兩船？） 佢哋08年10月正式分手，我同Greg於09年情人節先一齊。（對方放佢哋啲密照上網？） 我知佢哋拍過拖，我有心理準備，唔會為呢啲事唔開心，自己同家人對Greg都有信心。」超盈表示自與Greg拍拖後，對方有任何事都會與她商討，還爆出兩人拍拖後，有不少不知名女性在facebook想與Greg做朋友及相約他食飯，但均被Greg拒絕。

對方有第三者

據知情人士透露Greg與Patty分手，並不是Greg一腳踏兩船，反而是另一版本，知情人士謂其實Greg與Patty拍拖時，Patty識了另一個男仔，之後與Greg分手。

文：名人組