o靚模鄺敏慧（中巴）昨日出席活動，對於被指坐地起價，酬勞由數千上升至三萬元，她先否認收三萬元酬勞，後又改口稱不清楚身價，最後又搞爛Gag指大會所送的花之戀壽司應該值三萬。
中巴昨日出席「挪威三文魚——情人節花之戀大使」委任儀式，並獲送贈99件花之戀作情人節禮物。與崔建邦甩拖的中巴，被問到今年情人節會否分外孤單時？她揚言有家人陪伴及會在工作中度過很開心，問她是否寄情工作？她說︰「係，其實以往情人節都冇乜慶祝，因為要工作。（你以往冇咁多工作。）唔係，今年同舊年差不多。」
改口唔知job價
中巴強調自己工作量沒有增加或減少，問她酬勞是否上升時？她否認：「冇呢啲事，你喺邊度聽番嚟？我都唔知。（會唔會加價？）要睇公司安排，唔到我決定。」至於有指她受崔建邦事件帶挈，由以往數千元一個job上升至三萬元，她繼續否認︰「我冇聽過，公司有同我報價，總之唔係三萬蚊，我都想。」不過，當問到收幾多錢一個job時，她又改口指不清楚數目，並說︰「報價只係開頭有，依家冇，因為我對公司好信任。（你今日收幾多錢都唔知？）我唔清楚！（咁可能有三萬蚊？）應該唔會有，我諗盤壽司都值三萬蚊。」
傳崔建邦返新工
另外，有報道指冇工開的崔建邦最近獲陳志雲介紹認識富商Paul Poon，年尾有機會返新工。崔建邦的舊女友唐詩詠昨在電話斬釘截鐵說：「唔會，佢終身賣畀TVB啦！」詩詠承認自己認識Paul Poon，對於中巴公開表示崔媽媽不喜歡崔建邦以前的女友，詩詠沒好氣說：「I don't care.（你識唔識崔媽媽？）點會唔識？但私事唔講。（傳你個鼻整容？）有錢都留嚟整車啦。」
文：名人組