麥浚龍（Juno）因拍戲而傷及耳仔軟骨，要即時放瘀血，昨日出席活動時還包着紗布，Juno謂在戲中常被打，搞到周身傷，自言有被虐待狂，鍾意儲傷痕。

Juno與謝婷婷昨日出席諾基亞手提電腦活動，見他右耳貼上紗布，並事先張揚耳仔聽覺不太清晰，他表示拍《剖術者》時，被戲中對手打，以假斧頭劈中耳仔的軟骨，導致有瘀血，要入院放血，放完血後因軟骨與皮之間有個空隙，所以要以棉花及紗布包着，他說過兩日就可拆掉。Juno表示：「醫生話最好做手術，但因之後仲有工作要做，所以只係抽瘀血，但就話會容易發炎。」

Juno右耳貼上紗布，原來他拍戲被假斧頭劈中軟骨要放瘀血。

婷婷與Juno出席手提電腦活動。

約嬌食飯隨時都得

問Juno有否買保險？他說：「有，我工作會安排。（因此事而買重啲？）我依家鍾意咗儲傷痕，喺戲中我其實唔係好多打鬥戲，但就成日被人打，全身都傷過，瘀咗無數次，早幾日返屋企又發現膝頭又無塊肉，拍呢套戲覺得自己有少少被虐待狂。」

另外，農曆新年又是情人節，Juno表示新年會在工作中度過，但年初一應該會同家人食飯，他表示現在沒拖拍，被問到會否約緋聞女友阿嬌（鍾欣桐）食飯？他說：「食飯隨時都可以，唔一定要喺特別日子。（有傳阿嬌係茅山師傅契女？）唔知，唔會畀意見，亦無聽聞。」

婷婷陪男友四圍飛

同場，謝婷婷全身Gucci新裝出席，由外籍男模扮成愛神丘比特陪出場。婷婷表示最近頻做跟得女友陪安志杰四圍飛，她謂大家都忙，難得一齊，所以與安志杰有協議，只要大家有時間，就會陪對方，無論去哪裏，她說：「只要同佢一齊已足夠，陪佢飛唔覺辛苦，反而認識多咗好多地方。」婷婷又指新年會與男友及家人過，她說：「佢屋企人唔喺香港，所以我啲屋企人就係佢屋企人。」

採訪：名人組