日本的一月份是大減價的日子，一月尾更加是瘋狂勁減，所以差不多每一年的這個時候，我都會去這個瘋狂勁減的地方，狂購物，睇吓你減得狂？還是我買得狂？嘩哈哈！（瘋狂喪笑……）

今年日本的瘋狂勁減真的超瘋狂！周圍都減價減到癲！無錯！係癲咗！身邊的朋友話：平成咁，唔係唔買呀嘛？唔買真係對唔住自己！

原宿LAFORET你無理由唔識，今年特別搞了一個LAFORET BAZZAR，入面所有舖頭的衫褲鞋襪都減至半價，最有趣是突然之間，在你沒有準備的情況下，五……四……三……二……一！所有貨品照價再七折！全部人即刻去搶！佢唔會預早畀你知，佢幾時開始減，亦都唔會預早話畀你聽佢幾時減完！總之依家就減，減完就無o架啦！仲問？去搶啦！

店員企高不停大叫，再加上場內所有店舖都在各自炸機，在這個情況底下，所有人都非常之忘我，情緒超高漲！每個人都只有一個目標：買平貨！

我相信每個人在這個瘋狂的地方，都會變成一個瘋狂購物狂！包括我！如果你唔做，又或者唔夠瘋狂的話，你一定會後悔！

時裝設計師