前晚香港時裝周的重頭騷「香港．華麗秀2010」開騷，名媛女星落足心機裝扮，梁詠琪（GiGi）以桃紅色deep V晚裝配千萬行頭凸襲成功，一向打扮出眾的何鴻燊千金何超雲，則以女神曳地華麗晚裝迎戰。

前晚由香港貿易發展局舉行的「香港．華麗秀2010」，邀請中港日三地四位時裝設計師做騷，分別是香港的何國鉦、北京的謝鋒和郭培以及日本的岩谷俊和。香港一線名模盡出，周汶錡、姚予晴、楊崢、莊思敏、Lisa S.、Ana R.，還有專程來港的日本名模富永愛、中國名模莫萬丹及久未行天橋的陳豪助陣。

北京設計師郭培的設計令人眼前一亮！	放大圖片	何超雲身穿DRESS 33黑色單肩拖地晚裝，一如華麗女神。

成晚唔飲水

前晚GiGi以特別嘉賓「華麗秀之星」身份亮相，穿上何國鉦設計的桃紅色Deep V晚裝及佩戴過千萬鑽飾，身體力行支持本地時裝，以前在理大唸書時曾有機會深造時裝設計，後因遇上拍戲機會始放棄：「入行後都有利用自己知名度去支持時裝設計，不過我以前嘅同學都必未做番設計呢行，因為經濟不景競爭又大。睇到好多藝人又設計又拍戲，好辛苦，我就兼顧唔到。」

何超蓮與Jeremy正沉醉愛河。（資料圖片）	何國鉦與富永愛（右）及中國名模莫萬丹一起謝幕。	Jessica C.出席取經。

向來密實的GiGi突然性感晒V，笑言為了支持本地時裝，晒V也在所不計，她又說翹着設計師出場時感覺猶如結婚，還自爆：「我全晚都滴水不沾，因為條裙太窄，唔方便去廁所。（結婚會唔會着到好性感？）一生人一次，唔露前都露後，不過仲未諗，依家感情生活OK。」

私下過兩招

何超雲則穿上日本設計師岩谷俊和的DRESS 33黑色單肩拖地晚裝，她向來支持本地創作，也曾試過玩票性質自製一些首飾。提到弟妹何超蓮和何猷啟均有拖拍，自言不知何時輪到她，但不會刻意去搵。對有傳超蓮想瞞着母親私自與男友去日本玩，超雲幫口說：「冇咁大膽。（超蓮拍拖有冇問你意見？）有問，少少啦！」超雲又說賭王或會在農曆新年前出院，屆時幾房人會聚首一堂與賭王吃團年飯。

有消息指賭王曾答應下月會出席超雲21歲生日派對，另又有報道指超蓮透露何家有性規條，三太陳婉珍昨日到醫院探望完賭王離開時說沒有看過有關報道。

文：名人組