日前朋友30歲生日，我們一大班朋友為了慶祝他第一個3字頭的生日，所以帶他去了一個不一樣的地方慶祝生日：杜莎夫人蠟像館……好好笑！你估都估唔到！

其實我們一行人全部都未去過蠟像館睇蠟像人，因為覺得這個景點好遊客，而且……去蠟像館這個舉動……好似……太……健康了嗎？嘩哈哈！

唔好怪我大鄉里出城，蠟像館原來幾多嘢睇，幾好睇，有啲蠟像真係好真，好佩服杜莎夫人做蠟像的技術，連姚明啲膈肋底毛都做埋出嚟，爆笑！最開心係你可以對住啲蠟像任意罔為！當你可以對住啲明星名人政客為所欲為的時候，這個景象，這種妄想，真的只有發夢先有機會……

不過，你可以在蠟像館入面妄想成真！你可以親吻奧巴馬，你可以向陳慧琳求婚！有一件事，真係唔去過蠟像館都唔記得咗……原來我幫過英女王做衫！

蠟像館入面個英女王蠟像着住嗰套藍色晚裝係我整o架！其實我自己都真係唔記得咗，行到埋去……咁熟口面嘅？套晚裝！翻開個嘜頭……真係我公司個名……我即刻攬住英女王影相，因為佢着住我整嘅晚裝！勁呀！

時裝設計師