大生銀行董事局主席馬清偉前晚約十一時在四季酒店飲酒後昏迷送院，在女友Winnie和兩名兒子陪同下由救護車送往瑪麗醫院急救，之後轉往深切治療部（ICU），有傳他心跳及脈搏一度停頓近一分鐘並昏迷不醒，期間馬清偉將被蓋過頭部遮擋面容，其家人馬清鏗和馬清揚亦到醫院探望。

至昨晚六時許馬清偉已好轉並即時出院，記者致電給他，其聲音聽來非常精神並說只是一時高興飲醉，完全沒有不適。對於要坐救護車入院，連他都𢱑晒頭，只知當時飲到暈咗。他否認心臟脈搏曾停了一分鐘：「冇咁嘅事，我已經Check晒心臟冇事，不嬲都有Check開，係佢哋緊張之嘛！（覺唔覺得執番條命？）唔覺，如果冇入院，返屋企瞓一樣冇事。（下次唔好飲咁多？）都會，年紀大，唔敢飲得太多，今次係飲多咗咁簡單，多謝關心。」

放大圖片	馬清偉女友Winnie（右）在胞姊陪同下接受傳媒訪問。	馬清偉的兩名兒子。

馬生女友Winnie與胞姐昨午到ICU探望，Winnie否認馬生心臟和脈搏曾停過，指前晚親戚擺酒，他高興飲多兩杯才頭暈暈和嘔，酒店有醫生幫他睇過：「佢一來唔係好清醒，所以入嚟Check吓，心和腦都冇事，加上嘔過喉嚨有少少痛，冇乜特別。」又說馬生因空肚飲酒出事，只要不過分也不會勸喻他少飲，她已通知馬生的前妻薛芷倫。馬清揚探望過兄長後，亦說對方已冇事，心臟亦冇問題。