以「型」為先的名模琦琦，為配飾品牌獻出性感的一面，谷胸演繹。由起初拒絕着性感低胸裙，到後來大解放，琦琦笑言只屬A Cup一族，為更有美感施展變幻球，成功升兩Cup，變得大有睇頭。

已第五年擔任時尚配飾品牌ARTINI代言人的琦琦，早前為品牌拍攝新一輯廣告硬照，今次幕後班底與琦琦合作多年，她亦十分放心任由他們擺布。

頭戴三個假髮的琦琦為了飄逸效果，被風扇狂吹，有苦自己知。	琦琦展示華麗型格一面。	琦琦演繹柔情似水。

滿意效果

但今次有一套大Deep V貼身性感晚裝裙，令琦琦十分頭痛，她說：「當我睇到條裙時好唔想着，仲有啲反感，覺得唔啱我，我係A Cup，着咗都冇嘢睇，點都逼唔到出嚟，而且我係較為保守嘅模特兒，件衫咁低胸。跟住我最後都冇着，但啲工作人員不停游說我，話靚有美感，我見佢哋咁用心良苦就試吓，之後個個都大讚，搞到我冇退路之下只好影，影相時就乜都唔記得，自己發揮。（個胸都谷得有睇頭？）影相冇所謂，而且當影時就百分百投入，出嚟效果都好鍾意。」

狂食西瓜

琦琦今次專程飛往北京拍攝，逗留不足廿四小時就回港，行程緊密，拍攝了八個小時，換了四個不同的造型，演繹華麗、浪漫、自然及經典造型。當中用了不少時間在髮型上，其中一個造型還戴了三個假髮，又要琦琦做出飄逸的感覺，她說：「戴咗三個假髮好重，又要飄逸，所以用咗四把風扇不停吹住我，搞到個口好乾，一休息就食西瓜，我足足食咗成個西瓜，同埋五個好大嘅桃，啲工作人員知我鍾意食水果，專程買咗好多畀我，影完後，原本成枱嘅水果畀我食晒。」

文：名人組