我認，我的確是好色成性，但不是女色，而是電視的色彩表現。不少人會用預設色彩就算數，但缺點是一播稍為偏色的劣質碟就立即偏上加偏！Toshiba最新iDTV ZV650CH系列就引進專業調色功能，能為六原色獨立調節色調、飽和度及亮度，從此面色紅潤冇面青，靚晒。

撰文：周仲明 攝影：方偉堅

支援Audyssey EQ音響技術，能令渾濁的音色清晰化，配合Dolby Volume將音量統一，不受轉台、轉睇碟或播廣告而影響。	機框右下角設有室光感應器，能因應室內光暗而自動調節畫面的亮度、色彩濃度、對比度及銳利度。	睇戲睇到悶，可以即時透過SD插槽轉睇相。

模特兒：Kinki@Pure Models

3組HDMI設在機背，能接駁電腦、DV或DC，快捷傳送視訊、音樂及相片，另設有LAN插口。	透過基本色彩調整功能，就能為六原色（紅、綠、藍、黃、洋紅、青）獨立調節色調、亮度及飽和度。	能獨立開關屏幕上的紅、綠、藍，例如關上綠、藍，只開紅色，就能清楚睇到紅色會否調得太濃或太淡。

查詢電話：2956 0222

智能感應光暗調節

ZV650CH系列引進「AutoView智能全感系統」，能根據室內光暗環境，自動調節畫面的亮度、色彩濃度、銳利度及對比度，例如在較黑的環境會自動調暗，令用家睇得舒服，刺眼感冇晒。

此外，電視引進Meta Brain Premium影像處理晶片，提供「超解像技術」，能將標清、高清，甚至全高清視訊進行優化，修復失去的影像細節，使原本模糊的輪廓變得更銳利，睇傳統DVD或Blu-ray都同樣有效。

趕走偏色

講到科幻電影經典，《22世紀殺人網絡》絕對榜上有名，欣賞時不難發現畫面稍為偏綠，如果部電視又有點偏色的話，阿奇洛哥個面色就會青上加青。而ZV650CH系列的專業調色功能，能為六原色（紅、綠、藍、黃、洋紅、青）獨立調節色調、飽和度及亮度，色彩層次明顯更鮮艷細膩。調色後想進一步確定顏色是否準確，更能獨立開關紅、綠及藍，清楚睇到個別顏色會否調得太濃，比純粹用肉眼及感覺來調節更準確細緻。

規格表

屏幕尺寸：42吋、47吋、55吋

解像度：1,920×1,080

對比度：50,000:1 亮度：500cd/㎡

背光技術：CCFL反應時間：7ms

HDMI：4組