工作接踵而來，檔期已排到2011年的官恩娜（Ella），早前抽空為陳妙瑛的化妝髮型美容學校Beauty Teach拍攝新一輯形象照片。最近被傳整容的Ella，更否認此事，表示樣靚全靠化妝技巧，她說：「可能最近多人留意咗，話我整容都覺得好好笑，我本身對化妝都有啲心得，可能因為咁令人有錯覺，所以話我整容，其實我只係比以前更加識得利用化妝令自己更靚更sharp，不過唔緊要，話我靚咗我都覺得好開心。」今次Ella特別打造全新造型，選用最新及流行的春天化妝色系，以紫配綠組合，並用閃石襯托蝴蝶造型，凸顯Ella的明星風采。

陳妙瑛model上身

此外，陳妙瑛亦親自上陣拍攝新一輯形象照，久未當模特兒影相的陳妙瑛，完全不怯場，有求必應擺出多個姿勢，十足專業模特兒，她說：「依家雖然少對鏡頭影相，但一埋位就喚起我做模特兒時嘅情景及回憶，好快做到攝影師要求。」

官恩娜以流行的春天化妝色系，凸顯明星風采。

官恩娜（左）與陳妙瑛同是愛靚之人。