名模姚予晴（Mikki）秘密買樓畀首期做了業主，由男友Sunny負責供樓，等同獲男友送樓，難怪Mikki自封為幸福女人！而Mikki好友莊思敏（Jacquelin）原來早於四年前已買入商場舖，成為模界中的小富婆！
昨日，Mikki、Jacquelin和07年泰國小姐Kwang F為水晶品牌Swarovski擔任模特兒，示範多套春夏首飾。來港發展七年的Mikki，密密做終於儲夠錢畀首期買樓，於去年成功在港榮升業主，Mikki更將物業放租成為包租婆。
佢嘅即係我嘅
談到首次在港買樓，Mikki透露樓價近三百萬港元，問她是否一次過買斷？她說：「冇，我發夢就想，係用私己錢畀首期，Sunny負責供樓，佢嘅即係我嘅。」男友孭起供樓責任，Mikki變相獲男友送了一層樓，她更透露：「Sunny將層樓寫咗我個名，佢話唔使寫佢個名！」得男友如此重視，Mikki被問到是否非君不嫁時，她甜蜜地回應：「都有百分之九十九o架。」感情生活如此美滿，難怪Mikki也自認是幸福女人。
擬改為格仔舖
而同場的Jacquelin早於四年前買入價值二百萬元的商場舖作投資之用，不過她就自爆為供舖節衣縮食四年，她解釋：「間舖買咗四年，吉咗兩年，仲有九至十年要供，要不停養佢，慘過湊仔。」被問到男友吳浩康有否幫手時，Jacquelin表示沒有，而她亦有意將商場舖變成格仔舖。此外，為了更實際，Jacquelin坦言下一個目標是買樓，笑言租唔出也可以自住。
文：名人組