周倩圯（Samantha）每年12月16日都會相約好友出埠慶祝生日，今年亦不例外，早前她與六名好友到泰國旅行慶生，獲送上寫有「2009 Samantha BANGKOK」字樣的生日蛋糕外，還有追求者越洋送花，令她驚喜一浪接一浪，她說：「我游完水，就有人越洋送花，係個男性友人，真係好開心，喺生日收到呢個驚喜！（係咪有追求者？）應該對我有意思，之前都有同佢食飯見面。（點識？）我哋識咗半年，佢事業有成，條件好好，總之我哋做住朋友先。另外我朋友個老公又親手焗咗曲奇畀我，真係好驚喜！」
問Samantha生日願望時，她稱：「09年我多病纏身，希望2010年身體健康，同想做多啲自己事，拍拖就隨緣啦。（收到乜生日禮物？）全部好實用，好似電話同銀包，銀包寓意係賺多啲！」
