o靚模Rainbow前晚與Lavina出席Lady GaGa的新碟活動後，昨日以嘉賓身份單拖出席第四十四屆工展會活動，她表示Lavina因發燒而臨時缺席，不過因大家路線不同，將分開發展，她說：「出年我會出個人唱片同籌備個人寫真集，依家同公司爭取去泰國或沖繩取景。（唱歌繼續走性感路線？）唔會，我主打慢歌同輕快嘅歌，走cutie路線，會以傅穎為假想敵。（有冇信心？）我對自己獨立發展充滿信心，我唱得好，但未至於係巨肺，我平時都好鍾意唱卡拉OK。」

Rainbow又稱剛過去的聖誕節與往年不同：「我要早起身做嘢，夜晚就去朋友嘅home party。（有冇交換禮物？）有，我哋每人要準備一份十至廿蚊嘅聖誕禮物交換，我用我七十幾蚊嘅月曆作為禮物，超晒額呀！」此外，李蘊與E Cup Baby劉欣宜以表演嘉賓身份出現，李蘊即場大唱新歌，而E Cup Baby則獻唱林憶蓮名歌《至少還有你》，表現淡定。