楊愛瑾（Miki）最近轉戰模界，更有機會出書做才女。Miki透露會以愛情作新書的題材，並會將自己的愛情故事寫出來，她說：「寫自己嘅情史可以令fans多啲了解自己。」Miki亦會寫身邊好友的情史，至於會否公開身份，Miki誓要保護朋友：「我唔會開名講。」

Miki又謂希望來得及在明年的書展出書，被問到會否借鏡鄧麗欣，重複校對避免錯字百出，Miki說：「我寫嘢畀人都會再proof read吓，出書就更加要，因為係畀全香港人甚至亞洲人睇！」而o靚模寫真風氣盛行，Miki則無意加入戰團，她說：「我唔需要性感，係要健康，所以唔會跟風。」而剛過去的聖誕節，Miki就請了一班朋友到自己家開派對，她更親自下廚，被問到男友有否幫手？她說：「我冇男朋友。」