聖誕與除夕將至，又是爭妍鬥麗的時候，為了於派對上艷壓全場，女生們是時候作準備，挑選亮麗舞衣，而Pinko充滿80's時尚搖滾設計，正好給大家作另類選擇。
曾幾何時，穿拖尾晚裝裙去派對就好像是指定服飾，十分公式化，只是顏色與細節上有所差別。今時不同往日，party look亦因應潮流而改變，再不是件件拖尾的evening gown，而是大騷美腿的cocktail dress，甚至乎作中性打扮，只要適合自己個性，即能凸顯獨特形象，散發個人氣質。
大家為挑選舞衣去party而煩惱之際，Pinko在聖誕與除夕前夕推出一系列華麗舞衣，剪裁偏向修身，但設計較為極端，時而feminine、時而masculine，正好切合現代時尚女性的八面玲瓏形象。
閃亮與浮誇
品牌於今個party look系列貫徹80's年代的搖滾味道，並巧妙地於黑色主調中，大膽運用既閃亮華麗又浮誇的鮮桃紅、彩藍，以及鮮紅色等，加上富立體感的修身剪裁設計，將搖滾型格重新演繹出來，又不失自然高雅的時尚氣息。
此外，復古剪裁的闊尖膊，感覺就有如幾何圖形的結構，加強肩膊線條，帶些「柔中帶剛」的特色外，設計師還綴以閃片、珠飾及窩釘襯托，在派對中帶來閃爍姿采，令人眼前一亮。
姚予晴教路
名模姚予晴更教各女生如何挑選舞衣：「黑色比較穩陣，但如果後生嘅話，可以嘗試鮮艷顏色。其實，我覺得晚裝唔需要太特別，因為最重要係啱自己，而且配上唔同accessories，就會做出唔同感覺。不過，千祈唔好將自己打扮得太過feminine，因為稍一失手就會over，畀人感覺就太女人同太老氣！」
採訪：劉慰思
攝影：劉智源
示範：姚予晴（STYLE）
髮型：Karenyiu