五毫子一個膠袋不太實際，因此全城響起一片使用環保袋的聲音，大家總有一個袋傍身。鑑於環保袋市場實在太大，於是來自澳洲的環保袋品牌Envirosax，近期亦引入一批潮人環保袋來港。

今次來港的最新環保袋包括La Boheme、Mikado、Botanica系列，以最新的循環聚酯纖維RPET做成，據說可100%循環再做，加上顏色圖案夠Popping，搞到荷里活班崇尚環保嘅巨星，如Justin Timberlake、性感潮媽謝茜嘉艾芭等亦晨早轉用，謝茜嘉湊女出街時經常更換不同嘅袋存放囡囡嘅奶樽，可謂又靚又潮。