周啟邦早前受腳傷多次進出養和醫院，昨日他由夫人、看護、司機及兩名男子陪同下一同到養和，周啟邦樣子有點蒼老，但精神不俗，面色較前紅潤，他在該兩名男子攙扶下坐輪椅進入醫院，身旁的看護又為他戴上口罩，不過周啟邦夫人對鏡頭很避忌，並用手遮面。

事後致電周啟邦夫人，她說周生因為腳痛看醫生：「佢隻腳之前扭親未好番，成兩個月，咁嘅年紀扭親好難好得番，唔想佢行咁長走廊和樓梯，所以畀佢坐輪椅。（使唔使做物理治療？）有時要做，幫助佢快啲康復，今日嚟係見醫生同抽血，依家返咗屋企，飲完下午茶添。」近日為方便照顧周生，特別聘請一名看護每個星期來兩天，稍後可能聘請一名全職看護全天候照顧周生。