汪詩詩、馬詩慧（Janet）和歐陽妙芝三位靚媽咪，昨日帶同子女一起出席港安醫院慈善基金活動，即場創作聖誕曲奇。汪詩詩的囡囡Jasmine戴了眼鏡，詩詩表示囡囡有百多度近視：「佢咁細個就有近視，應該係遺傳，因為我同子丹都有近視。我帶佢去配眼鏡時佢好開心，但我就唔開心。囡囡都好貪靚，有時影相都會除眼鏡。」

詩詩又笑言囝囝James好像有功夫底似的，經常拿起公公的拐杖揮舞，不知是否老公甄子丹遺傳，至於是否因囝囝看得爹哋的戲太多？她說：「我唔畀佢睇啲暴力嘢，淨係睇卡通片。」講到今個聖誕，老公要在大陸拍戲，她和一對仔女則會留在香港過節。

另外，對於近日有o靚模被控藏毒一事，Janet亦贊成實行校園驗毒計劃。