萬梓良（萬子）昨日偕同愛妻到沙田馬場，對於舊愛鄧萃雯角逐視后會否支持，萬子即十分激動聲如洪鐘的說：「一句！支持到尾！（有無睇《巾幗梟雄》？）佢做四奶奶嘛，（覺得佢演成點？）佢做成點我唔方便講，但做得好就會得所有觀眾認同。」

自言有六年無拍戲的萬子，透露早前獲內地公安局邀請拍攝宣揚禁毒的電視劇：「係真人真事改編，我飾演大毒梟，為咗教育下一代唔好受毒品引誘，我會演得有咁衰得咁衰！（以前你見過有人受毒誘嗎？）反而少見，可能當時無咁方便。」

他續稱，現時要在服裝生意和演戲兩邊走，更有意在明年一月做導演，但因要等候劇本審批，同時中國傳媒大學邀他作客席教授，故把執導新戲的計劃暫時擱置。至於已育有一子的他，亦不打算再添多名，他說：「個仔七歲，我負責搵錢，老婆負責教佢。」