因與樂基兒咀嘴而聲名大噪的「亞洲版Beyonce」劉晨芝，昨日出席聖誕活動時同樣穿得相當性感，繼續show豪放，並坦言曾在港遭鹹豬手：「嗰次我同謝婷婷一齊行街，有個男人特登用手肘撞我個胸，我當時呆咗唔識反應，婷婷仲問我點解唔大叫。」
對於早前被本報拍得與側田拖手，她謂自己性格洋化沒所謂，並說：「我成日拖人架啦，側田亦絕對冇手多多我，（佢係咪你鍾意嘅類型？）我揀男友一定唔可以太高，唔好高過六呎，（你哋咪好襯？有冇發展機會？）一日未結婚，個個都有發展機會，我唔敢講。」她更笑言不介意側田沒頭髮：「外國好多人都剷到好短，（冇頭髮同剷短唔同喎？）我意思係手感差唔多！」
