本文重點
近期人氣急升的混血模特兒Jessica C.，憑甜美笑容和一對「警鐘胸」成功俘虜港男心，不過昨日Jessica出席活動時身材明顯不及「翻版關之琳」Jocelyn養眼，後者「來勢胸胸」，加上有老公在場晒恩愛，輕易勝一仗！
昨日Jessica C.出席「wtc more聖誕星級美之盛宴」活動，同場還有「翻版關之琳」Jocelyn和老公Anthony、劉晨芝及熊黛林師妹楊汀叮等，眾人均穿上性感的紅色裙子迎聖誕，並一同品嘗日本國寶級「食藝設計大師」諏訪綾子準備的國宴級午餐。Jessica雖穿上低胸長裙，一對警鐘胸卻蕩然無存，反觀Jocelyn雙峰堅挺，坐下時更不慎露出胸墊，養眼度十足，高下立見！
拒跟風出性感年曆
Jessica被問到會否效法周秀娜推出性感年曆時，她搖頭說：「唔會，就算影我都想影啲唔同嘅嘢，（唔想影得cheap？）我唔係話佢cheap，總之我哋就唔同。」她又透露聖誕會回老家美國慶祝：「我希望美國會落雪，因為白色聖誕好浪漫，最緊要就係可以同家人和男朋友一齊過，而我就負責下廚，今年終於可以願望成真，因為男朋友會陪我返美國。其實佢都係第一次見我屋企人，之前只係喺視像見過，所以佢都好緊張，仲不斷問我媽咪鍾意啲乜！我同佢講只要佢同我好，我媽咪就會開心！」
楊汀叮唔怕唱live
至於以tube dress上陣的楊汀叮則謂近日忙於練歌，為公司宣傳聖誕MV，問到會否擔心唱live走音？她笑說：「唔擔心，之前錄歌都好順利，只係有少少部分唔記得，而且我由細到大都有唱歌同彈琴，所以都唔緊張！」對於熊黛林歌聲被指與天后王菲相像？她大讚說：「係呀！佢把聲好柔，所以真係有啲似王菲！」
文：名人組