售價：$26,800

Epson TW4500超解像邊位Sharp爆

本文重點

優化高清影像
200,000:1對比度
專業顏色處理系統
規格表

買部高清投影機返屋企煲碟無非為了出色的電影感，Epson EH-TW4500做到黑位更黑，對比度提升到200,000:1；加設動態補償技術，快速畫面都唔會跳格；再加上「超解像」技術，標清既可變高清，就算連高清畫面都處理得更Sharp、更細緻，贏晒同級對手！

優化高清影像

標清畫面經由倍線推到高清畫面，好多影碟機同高清電視都做得到，但TW4500的「超解像」技術，除可將低至640×360的影像提升到全高清輸出外，更可將高清影像進一步優化，經過「顏色分層」同「銳化模糊」處理，令影像邊緣位置更銳利，色澤更鮮明，以往藍光影碟定格後常出現的影像模糊情況將大大減低。

TW4500用上一支內置14塊鏡片的2.1倍變焦鏡頭，有效地防眩光。

機背設兩組HDMI Ver. 1.3a輸入端子。

功能按鍵設計跟上一代TW4000相同，同樣操作簡易。

200,000:1對比度

Epson兩年前已引入Deep Black Technology深層黑技術，到TW4500時就再進化，令黑位更實更黑，對比度亦飆升到200,000:1，同級產品中最高。升呢的秘密是新加入改良動態光圈技術，透過新設計控制系統及雙層活門來管理透光量，以提升對比效果，科幻片或動作片迷自然更有得益。講到動作片，TW4500加上新動態補償技術，可在原來24p畫面中加插多4格畫面升級到120p，飛車追逐場面唔再會出現跑車自我飄移的情況。

配備水平及垂直鏡頭移動功能。

同場加映平價版全高清投影機TW3500，提供1,800流明亮度及36,000:1對比度，外觀上最大不同是機身為白色。售價：$18,800

同場加映平價版全高清投影機TW3500，提供1,800流明亮度及36,000:1對比度，外觀上最大不同是機身為白色。售價：$18,800

專業顏色處理系統

TW4500機身規格相當強，如內置3塊D7 C2 FINE LCD以及HQV影像處理器，亦加入用在專業電影製作的3D LUT影像顏色處理系統，投影出來的色彩更為原汁原味。TW4500擺位上亦見靈活，只需3米距離就可投影出100吋大畫面，相信好多家居環境都能應付，最大更可投影出300吋特大畫面；加上有1,600流明亮度，想點樣煲碟都冇難度。

實試《變形金剛》畫面逐格睇膚色準沙拉保夫同美瑾霍絲膚色顯示得夠準繩，動態畫面亦處理得甚出色。	邊位Sharp 將「超解像」處理技術推至最高第三級，人物同金字塔邊緣都比原裝正版Sharp好多，就算將畫面定格都唔會鬆。	動態得 TW4500特設分割畫面，可以同時睇見使用「動態補償」技術（圖右）同原裝影片，當然右邊畫面較流暢。
金屬感強由於TW4500對比度極高，層次感更強，金屬味出晒嚟。