提起食飛機餐，大部分人應該會耍手擰頭，偏偏茹素的藝人珈潁卻回味無窮：「無諗過可以咁好食！」與其等機會再嘗素食飛機餐，倒不如去銅鑼灣新開張的素食餐廳，一嘗糅合各地風味的新派素食，來個味覺精華遊仲好啦！

網羅多國特色菜

珈潁茹素八年，見證着素食文化的變遷：「從前沒這麼多素食餐廳，而且食物種類好少，只得芋頭魚、羅漢齋等傳統菜式。」不過，今時今日，情況就大為不同，波羅密素食餐廳老闆葉小姐明白素食者的需要：「坊間的素食餐廳不算太多，我希望出品做到多元化，等大家來食素時，可以有多些選擇。」於是，這裏會有壽司手卷、越式檬粉、中式點心、韓式牛肉卷、意式海鮮飯及車仔麵等等，幾頁菜單之間，像來個世界素食漫遊，款式還新派得很。珈潁笑言：「多選擇係好事，可以一站式試到各地美食，淨係睇餐牌都好開心。」

蟹黃蒸燒賣 $18（只限下午茶時段，星期六、日及假期午市供應） 用木耳、素肉、馬蹄、冬菇、青豆及粟米等，混合作為燒賣的「肉」餡，而以紅蘿蔔及蛋黃炮製蟹黃，甜甜的質感黏糯，跟原裝的甚為近似。	越式香茅豬扒春卷檬粉　$45（雙拼價，菜式只限下午茶時段供應） 賣相幾可亂真，質感亦不錯，幾乎忘了它是素食；其中春卷內包着雲耳、馬蹄、素肉丸及粉絲等餡料，入口香脆，而且味道有層次。	黑松露香煎白靈菇 $98 菇片厚薄適中，口感不錯，加入少許花蜜及黑松露醬一同烹調，配搭有新鮮感。甫上桌香噴噴的，令人起筷狂食。

煮法健康追潮流

菜式選擇眾多，餐廳亦用上新鮮優質的食材，而且煮法少鹽少油少糖，跟足健康食潮，葉小姐補充說：「我們有自製素食，又自家調製醬汁，等大家食得放心。」珈潁食評：「我喜歡濃味但不油膩的食物，像這道黑松露香煎白靈菇，白靈菇很有咬口，醬汁香濃惹味。」素食比以前普遍，珈潁說幾乎想食的都有：「我鍾意食素刺身，好彈牙，仲有B.B.Q.啦，可以去素食品公司買燒烤包，同大家食的差不多。不過，我暫時食過最難忘的一次，是飛去星馬時食的素食飛機餐，印度式的黃薑飯、Naan Bread以及咖喱，味道好好，發現原來飛機餐都可以咁好食，哈哈。」

韓式泡菜三色牛肉卷　$68 主角牛肉捲着醃製蘿蔔、白蘿蔔及小黃瓜等，入口香辣醒胃；伴碟則有泡菜、尖椒及紅椒等，充滿大韓風味。	意式海鮮燴十穀飯　$78 飯粒香軟易嚼，還吸收汁醬精華，值得一試。烹調十穀飯要先浸軟再蒸透，還要跟白汁、素螺肉、素魷魚、素帶子等燴煮，甚費工夫。	深海燕窩椰汁露 $25（熱） 來自深海的海藻，可為素食者提供豐富膠原，有助保持關節健康，而且用上冰糖熬煮椰汁糖水，感覺滋潤。

撰文：楊淑英

攝影：梁偉德

查詢電話：2317 6908