甄子丹日前應腕錶品牌豪門世家邀請到北京出席大型展覽會，太太汪詩詩亦有隨行。詩詩表示老公因工作關係經常在內地，二人平日聚少離多，故有時間會盡量陪他。詩詩說：「今次活動係我朋友搞，佢請咗我老公，問我去唔去，咁我又想陪老公，又可以去玩，所以去咗。好在媽咪嚟咗香港，可以幫我湊小朋友。（好耐冇見老公？）係，佢拍嘢好忙，但一定會日日通電話，我哋又可以上網喺視像見面。」

雖然時常分隔兩地，但詩詩不怕會影響兩人感情，她說：「我哋每次見面都更珍惜大家，感情亦大增，好似初初拍拖咁。」是次展覽會上展出多款名錶，詩詩大讚靚，還有意買給老公，同場還有內地影星馬伊琍。