因為請新助手的關係，這陣子見了很多應徵的人，千奇百怪！

認真的，想做我助手，最緊要靚！靚，不僅是外表，連入面都要靚出來！

甚麼意思？好簡單，我見過好幾個應徵做我助手的人，一到來，滿頭大汗，身水身汗，上氣唔接下氣，但是着得好潮好爆……這個情景令我想起我讀過一篇訪問，是一個世界知名的時裝設計師的訪問，他說最討厭前來為他時裝表演試鏡的模特兒，來到的時候身水身汗，因為令到設計師覺得你趕頭趕命地跑來趕來，好唔高貴！因為模特兒是要好靚好滋油，你試想想一個應該本來好靚好高貴的模特兒在街上跑，摩打腳，左攝右攝，左衝右衝，成何體統？想起都打冷震！

不錯，可能好多人都會花好多時間在家裏打扮，然後忘記了時間，又或者他們根本沒有時間觀念，我好討厭這類人！因為你扮到幾靚都無用，因為你扮到鬼火咁靚又點？趕頭趕命……我話過你知，滾水淥腳咁，又怎會靚呢？

如果要做到一個真正的靚人，唔該，花時間打扮之外，都請你預留時間，唔好要一個靚人趕頭趕命呀！靚！

時裝設計師