原本身在橫店拍劇的李彩華（Rain，圖）前晚特地到上海為時裝騷擔任模特兒，完騷後要乘夜車趕返橫店明早繼續拍攝，相當頻撲，Rain承認擔心乘夜車危險易生意外，但亦冇辦法：「車程成四、五個鐘，不過我會叫司機喺安全情況下送我返去。」

Rain自言從前「膽生毛」，遇上「飛車黨」也照睡可也：「嗰時同容祖兒拍緊《功夫足球》，又係要坐夜車，啲山路已經好崎嶇，個司機仲要闔眼瞓，突然間司機抽頭，嚇死其他人，但我就照瞓，不過依家識驚喇，因為聽得太多呢啲意外，都係小心啲好。」忙碌的Rain聲言冇拍拖，至於緋聞男友？她說：「大家係朋友，都會打畀佢同佢通吓電話，我有時間都會同朋友通電話o架啦！」