同是天王嫂的熊黛林（Lynn）與樂基兒（Gaile）待遇認真不同，前者只能名不正言不順、欲言又止，後者則大方暢談愛郎；Gaile笑言和老公黎明（Leon）都愛穿得簡樸，更大讚Leon「天生麗質」，不用打扮已經十分俊朗，隔空傳情。

【張嘉敏上海直擊】羅可旋旗下的法國品牌bread n butter前晚首次在上海舉行時裝騷，特別請來李彩華（Rain）任模特兒，還有Gaile、汪詩詩及張燊悅等作嘉賓。

黎明	右起：羅可旋在上海搞騷，汪詩詩、樂基兒及張燊悅都畀面撐場，張燊悅與詩詩更撞裙。

行善唔會收爐

早前行騷後表示今年已收爐的Gaile，透露緊接要飛往成都工作，對「收爐」之說解釋說：「我係指今季喺香港唔再行騷，係今季咋，唔係以後；下個月做埋自己品牌嘅活動同一個慈善活動，今季手頭上嘅工作就完，不過做慈善係唔會停嘅！」

Gaile自言除非工作必要，私底下絕非貪靚之人：「我鍾意自然啲，同埋我懶去扮靚，唔會襯好耐衫先出門口，你睇我啲手甲唔會整到好靚就知啦，試過Gel甲整完兩日就畀我搣番晒，因為我要打電腦。」她又謂黎明和她一樣崇尚自然：「佢同我差唔多，好多時都係T恤牛仔褲，佢天生唔使點整已經夠好睇夠靚仔。」她笑言不能接受情侶裝，因與她的低調性格不相配。談到日前Leon的愛貓離世，Gaile坦言老公為此很傷心：「始終佢個人咁有愛心，又鍾意小動物，仲係自己養嘅添，咁多年一定好有感情，我都好唔開心。」

模特兒魚貫出場，甚有氣勢。

汪詩詩與女兒通電話都講到眼濕濕。

羅可旋夠野心

至於老闆娘羅可旋就透露品牌已進軍內地一年多，已開了十多間專門店，生意OK，有班忠實fans支持。她會繼續拓展，希望三年內擴充至五十多間，金融海嘯對其生意略有影響，去年經營較難，但對未來發展表樂觀！