做藝人經常要置裝出鏡，買衫揀Size，可謂家常便飯，原來，依家連食飯都可以揀大中細碼！藝人梁奕倫（Roland）、歌手余翠芝（Chita）就發現有新餐廳標榜所有食物沒頭盤、主菜及甜品之分，只以細（S）、中（M）、大（L）碼示人，點菜完全自由自主。Roland、Chita齊齊勁Buy新概念，話點菜時特別興奮！

顛覆尋常定律

平日已經食無定時，但Roland、Chita話其實到真正開餐時，一樣可以引起不同意見：例如分量多少、上菜次序等，新店SML就樂於當個革命先鋒，顛覆一下尋常的用餐習慣。所有食物再沒有頭盤、主菜及甜品之分，只簡單的提供大、中、細碼，就像買衫一樣，可完全按自己食量、心情來點菜，還不需跟平常的次序開餐，先來甜品也沒問題。Chita笑說：「平時食飯會覺得分量可能太多，好浪費，可以自己揀就最好啦！」而Roland直言：「餐廳個賣點好突出，最開心係食物質素唔錯，噱頭之外仲有實力。」

薯條配松露海鹽 $25（中）自家製粗薯條，選用薯味香濃的美國貨，炸得金黃香脆，撒上黑松露、海鹽，還可蘸蒜蓉蛋黃醬，非常惹味。	雲呢拿泡芙配焦糖汁　$51（大）略帶脆口的泡芙，夾着厚厚的一層雲呢拿忌廉，一口咬下最滿足，以奶油汁代替平日的朱古力汁，增添了新鮮感。	燴牛尾意大利飯 $45（細）意大利飯煮得正宗，外軟而中心半熟，加入芝士拌煮更惹味；燴牛尾亦是落足心機炮製，肉質腍滑，啖啖香濃。

菜式烹調健康

sml baby $46由益力多、士多啤梨、紅桑莓及鮮奶調製，酸酸甜甜帶果香，餐廳招牌飲品。	三文魚他他　$32（細）、$59（中）、$108（大）就像將名菜牛肉他他，變成嫩滑的挪威三文魚般，配料多多，賣相突出：洋葱、熟蛋黃、辣椒、番荽等，拌勻一起吃更好。	設計成飯堂的大廳，配合樸素的木枱椅，就像看到電影《哈利波特》內的情景般。

菜式風格偏向意大利及地中海，以健康的低鹽低油低糖方法烹調，但又不乏創意，像帶日本風味的海膽辣汁扁意粉、有着法國菜影子的三文魚他他等，予人味覺驚喜，難得的是所有菜式均全日供應，想食就食，又是另一種民主。Roland最欣賞薯條配松露海鹽：「粗切薯條好正，想知一間餐廳的質素如何，睇薯條就知，情況就似中菜的蛋炒飯咁，易做難精。」Chita則對烤豬腩肉配紫椰菜蘋果沙律情有獨鍾：「食落唔太油膩，而且甜度啱啱好，食晒全件都得。」

余翠芝近況

年中推出首張EP《Make a love song》，另加出書及唱主題曲，笑言今年非常豐收。新歌《願望樹下》派台後，現正構思新書題材，以便趕及今年尾出版。

SML BabY檔案

梁奕倫身後的公仔為餐廳Icon，由本地藝術家Michael Lau精心設計，身高八呎，因與SML的概念同時誕生，所以其身體比例亦有不同尺寸。

梁奕倫近況

由廣播界轉戰電視圈，任節目《今日 V.I.P.》主持人，另參與話劇演出、寫書，瓣數多多。

撰文：楊淑英

攝影：陳世昌

梁奕倫髮型：Hedi Lai@ La Boutique Salon

梁奕倫服裝：React

余翠芝服裝：Katie Judith@I.T.

查詢電話：2577 3444