Angelababy前晚出席活動，對於有指她於William（陳偉霆）家宿一宵，她強調與對方是好朋友，但當記者要她發誓，表明與William不是情侶時，她表現尷尬堅拒發誓，最後只肯做出屈曲的V字手勢，場面搞笑！
Angelababy前晚偕師妹陳詩雅與楊汀叮出席《夠Yeah暢遊迪士尼黑色世界》活動，更即場派糖給fans。當被問到有雜誌影到她與緋聞男友William睇戲兼過夜？她否認其事，再三強調與對方只是好朋友，她謂︰「嗰晚我同成班朋友一齊，佢都係我好朋友之一。（你喺佢屋企過夜喎？）冇，如果有就影番我朝早出嚟嗰張相啦！嗰晚睇完戲成班人上咗佢屋企傾偈。（經理人Kim唔畀拍拖？）佢冇唔畀我同任何人拍拖。」
改口好朋友
對於早前以朋友來稱呼William，現改口為好朋友，她則解釋︰「對於我嚟講，朋友同好朋友都係一樣，我哋識咗五年好有感情。」當問到拍拖是正常事，為何不認？她說︰「我想大家將注意力放在我工作上。（驚fans流失？）唔會，其實我啲fans都幾鍾意William！（既然係咁，大家公開？）我哋係好朋友！」
此時，記者要她向天發誓，她起初感到愕然並堅拒發誓，在記者再三要求下，她表現得不知所措，並說︰「我唔信呢啲嘢！」最後做出屈曲V字了事！
自封似喪屍
另外，Baby透露稍後要拍天馬電影公司投資的《花田囍事2010》，在劇中將要反串，問到是否需要紮胸？她笑說︰「你覺得我有呢個需要咩！因為我之前好瘦，瘦到好似外星人。（你自認外星人，周秀娜又係外星人喎？）咁我就係喪屍啦！」
而Baby早前於日本欣賞脫衣舞派對，令她眼界大開，其後更有機會與Leah Dizon合照。
文︰名人組