今個秋冬的彩妝潮流都以眼妝作主打，亦是全個妝容的焦點所在，至適合一眾渴望擁有一雙大眼睛的女生們。專業化妝師Will Wong就給大家一個貼士，大膽地勾畫上下眼線，加強眼部輪廓，便能輕易營造出漂亮動人雙眼。

經常為張栢芝與楊紫瓊等靚女Artist化妝的專業化妝師Will Wong大談今個秋冬的彩妝潮流，他稱眼妝會是整個妝容的重點，而胭脂和唇色就偏向自然色調，Will還以來自美國荷里活的化妝品牌DuWop示範至潮彩妝，他說：「今季眼妝會濃一啲，Smoky eyes繼續大熱。」

胭脂要淺色

他續說：「眼影顏色方面好興紫色，深到接近黑色嘅紫，畀人感覺神秘啲、Sexy啲同埋型啲。而眼線就好重要，興黑色同實啲粗啲嘅眼線，上下眼線都要畫，放膽盡情畫就算畫得唔靚都唔緊要。On top掃上紫色眼影再Blend開，就可以修飾番條眼線，突出同加強眼部輪廓，又可以營造到深邃大眼睛嘅效果。當然唔少得要搽Mascara，令眼睫毛更加濃密，雙眼更添迷人魅力。」

至於胭脂就要用淺色調，Will說：「沿臉頰兩旁顴骨位打斜掃會有型啲，亦可以提升臉部輪廓。唇妝就用有豐唇效果嘅Lip gloss，令雙唇更豐盈剔透，感覺更誘人。」

先用黑色眼影把眼睛整隻括住，勾畫上下眼線，再用深紫色眼影在上面勾畫多一次。	Eye Palette $330	在上下眼頭掃上淺紫色眼影，上下眼尾則掃上深色眼影，營造漸變效果，再在眼窩位掃上銀色眼影，之後Blend開，感覺Soft點，且更加閃令令。
在臉頰兩旁沿顴骨位打斜掃上橙色胭脂。	在櫻唇塗上剔透晶瑩的豐盈唇彩，令雙唇更Sexy。	Lip Venom 2nd Sin $260

今期推介

為肌膚按摩可加速血液循環，令肌膚回復光彩，RMK的Massage Balm蘊含荷荷巴油 、橄欖油及牛油果油等高純度的植物性油分，與肌膚親和性極高，有助柔軟肌膚，讓保濕成分得以極速滲透至角質底層。

骨膠原對緊緻肌膚非常重要，IPSA的On The Peak Brightening Serum就以日本頂尖技術，首創革命性滲透緊緻科技，將高純度Amino A5亮膚膠原分子極級亮白成分 DS Brightening Effect注入肌膚，有助排走及抑制黑色素形成、擊退色斑，發揮前所未見的美白緊緻效果。

另外，AQUA LABEL的Foam Support Essence，就蘊含雙重骨膠原，能活化肌膚細胞，促進正常的新陳代謝，徹底解決熟齡肌缺乏彈性及乾燥等問題。

RMK Massage Balm $300	IPSA On The Peak Brightening Serum $730	AQUA LABEL Foam Support Essence $150

一滴即變Cream

Will對於Cream狀妝物特別鍾情，因為Cream狀妝物比粉狀更貼更上色，且質感更Soft更易推開，效果更自然。而品牌的Payoff眼影神仙水就深得他的歡心：「呢支Payoff真係好好用，只要滴一滴落啲粉狀眼影上，眼影即時可以變成Cream狀，好方便亦好神奇，用喺咩牌子嘅眼影上都得，遇到鍾意嘅粉狀眼影顏色，都可以隨時將佢變成我鍾意嘅Cream狀質感。」

採訪：張嘉敏

攝影：馬永堅

化妝：Will Wong