李美鳳是次回港，為出席Estee Lauder於銅鑼灣全新專門店的開幕。一直深受美容品牌的歡迎，全因她多年來仍能保持美好身段與明艷光采，談及保健之道，她笑說：「我係學媽咪嘅養生之道，就係平時食得清淡啲，盡量少食肉，多食魚同飲湯，最好餐餐食到七分飽，咁個人自然會健康，健康就會靚！」

女人愛美，也為愛的人而美，李美鳳也不例外：「咁多年我都keep得到，老公亦樂意帶我出嚟應酬，有次朋友同我講，話老公嘅朋友讚我靚，佢話睇到我老公偷笑，我知道佢好proud of me（以我為榮）！」說時李美鳳也在偷笑。