今年娛樂圈新聞特別豐富，當紅藝人紛紛被踢爆秘密結婚。早已上岸的李美鳳曾經是過來人，去年突然被爆出與林敏驄N年前在加拿大秘密結婚；也許曾是局內人，她明白當藝人的苦衷，希望外界體諒與接受，正如老公鄭翔中對她一樣，無論順境逆境都願意和她牽着手一起走過！
跟李美鳳做訪問，會發現她口中經常掛着「以你為榮」四個字，老公鄭翔中以她為榮，她又以子女為榮，show off（晒命）？非也！她笑說：「其實呢句說話係我哋一家人嘅口號，我同老公都愛用嚟鼓勵同教育子女。」
平常心同度過
李美鳳23歲從加拿大返港參選港姐，雖然未能奪冠，但憑着一對電力十足的眼睛及嫵媚的個性，火速在娛樂圈走紅；90年當紅時期秘密下嫁才子林敏驄，五年後離婚，翌年與現任丈夫鄭翔中在台灣閃電拉埋天窗，正式退出娛樂圈，嫁雞隨雞移居台灣，同年十二月誕下一對龍鳳胎，一家四口幸福滿瀉！
08年八月突然被揭發與林敏驄的陳年婚姻，當時身在加拿大的她的確有點愕然，她說：「冇諗過自己啲情史又被人攞番出嚟講，自己又唔係藝人，又要再做番焦點，當然有啲唔慣。」最後她選擇了與老公一起面對這「突如其來」的追訪，她道：「我同老公做人都有個宗旨，就係凡事都一定要面對，要用平常心一齊走過！」
畢竟也是陳年舊史，鄭太可以輕鬆面對，倒是對現時的藝人感同情：「我都做過藝人，講大話有自己嘅苦衷，公開當然會擔心影響事業，最重要係應該教育fans用乜嘢方法去支持自己嘅偶像，藝人有呢個擔憂係好正常，我覺得唔應該怪責，人係冇完美！」
與兒女有代溝
李美鳳很坦白，不造作，她會告訴你她覺得自己是一個「入得廚房，出得廳堂」的女人，又會認老說與兒女相差「幾十歲」有代溝，惟有靠做運動來增進感情，還有感性地攬着媽媽一起睡，她說：「媽咪85歲喇，搭唔到飛機嚟探我，所以我每次返香港，喺屋企都會瞓喺媽咪隔籬攬住佢，我會同佢講我想日日都咁樣攬住佢。」她說自己13歲便到加拿大讀書，接着結婚生子，所以和父母感情有點疏離，但幸福美滿的家庭同時警醒她不要愛得太遲：「生命無常得太緊要，大家要學識及時孝順。」